Tvö lyf, Nucala og Lynparza, birtast með leyfisskyldu í lyfjaverðskrá 1. Nóvember.
Nucala (mepolizumab) hefur verið gert leyfisskylt við eftirfarandi ábendingu:
„Mepolizumab er ætlað sem viðbótarmeðferð við alvarlegum þrálátum rauðkyrningaastma (e. eosinophilic asthma) hjá fullorðnum sjúklingum.
Skilmerki fyrir að hefja meðferð á mepolizumab eru eftirfarandi:
1. Núverandi meðferð: háir skammtar innöndunarstera ásamt öðru(m) lyfi(jum) með eða án stera til inntöku um munn.
2. Saga um versnun (e. exacerbation): tvær eða fleiri versnanir á síðustu 12 mánuðum.
3. Gildi rauðkyrninga í blóði: ≥ 250 frumur/μL við upphaf meðferðar eða ≥ 300 frumur/μL á síðustu 12 mánuðum (greint með rútínu blóðprufu).“
Klínískar leiðbeiningar fyrir Nucala (mepolizumab) eru hér KL.
Lynparza (olaparib) hefur verið gert leyfisskylt við eftirfarandi ábendingu:
„Olaparib er ætlað til einlyfjaviðhaldmeðferðar hjá sjúklingum með endurkomu þekjufrumukrabbameins í eggjastokkum, eggjaleiðurum eða lífhimnu. Sjúkdómurinn verður að vera platinumnæmur og sjúklingurinn með BRCA1 eða BRCA2 stökkbreytingu.“
Klínískar leiðbeiningar fyrir Lynparza (olaparib) eru hér KL.
Listi yfir öll leyfisskyld lyf á excel formi.
Listi yfir öll leyfisskyld lyf á PDF formi. |