lgn.is - 30.03.2011 - Endurútgáfa og flutningur
Hafðu samband

LYFJASTOFNUN

Vínlandsleið 14, 113 Reykjavík

Sími 520 2100

Netfang: [email protected]


 

 

30.03.2011 - Endurútgáfa og flutningur
30.03.2011 - 30.03.2011 - Endurútgáfa og flutningur

Vegna flutnings Velferðarráðuneytisins og væntanlegs flutnings Lyfjagreiðslunefndar úr Vegmúla 3 í Hafnarhúsið við Tryggvagötu hefur orðið misbrestur á því að almennur póstur hafi borist nefndinni. Ennfremur hefur orðið vart við að tölvupóstur hafi ekki skilað sér.

Þetta vandamál uppgötvaðist þegar fyrri útgáfa lyfjaverðskrár fyrir apríl var gefin út en þá kom í ljós að í hana vantaði upplýsingar sem sannarlega hefðu verið send en nefndin ekki móttekið. Þar af leiðandi var nauðsynlegt að endurútgefa lyfjaverðskrá fyrir aprílmánuð.

Talið er að búið sé að leysa vandamálið og engar frekari truflanir verði á móttöku erinda til nefndarinnar.

Beðist er velvirðingar á þeim vandræðum sem þetta hefur valdið notendum lyfjaverðskrár.

Jafnframt minnum við á flutning Lyfjagreiðslunefndar 1. apríl n.k. í Hafnarhúsið, Tryggvagötu 17. Símanúmer verða óbreytt en truflanir geta orðið á símasambandi og tölvupóstsamandi  meðan á flutningi stendur.